MEDIDAS FISCÁIS E ORZAMENTOS PARA 2012

Galicia converteuse despois da aprobación no Consello da Xunta do Proxecto de Lei de medidas fiscais para 2012, na primeira comunidade que presenta os seus presupostos e as súas medidas de carácter económico e fiscal.

Nun momento no que as comunidades van prorrogar os seus presupostos e no que o Goberno de España nin aproba presupostos novos nin prorroga os do ano 2011, Galicia ten unha política orzamentaria e fiscal cun dobre obxectivo: manter a  resgardo de recortes abruptos os servizos públicos esenciais (3 de cada 4 euros irán destinados a servizos sociais) e frear a caída do investimento producida nos tres últimos anos nos presupostos da comunidade.

No que atinxe ás medidas fiscais, destacan a bonificación do 50% do coeficiente de vertedura, durante o ano que ven, en todas as estacións depuradoras de augas residuais xestionadas pola Xunta; a redución do IRPF aos emprendedores que coticen no mercado alternativo bursátil; exencións para todas as familias que teñen un crédito hipotecario que queren amortizar anticipadamente, ampliar o prazo de pagamento ou cambiar de banco a hipoteca.

Ademais, establécese un novo beneficio fiscal do 100% en actos xurídicos documentados para os créditos e préstamos cando se modifique o sistema de amortización ou calquera outra condición financeira.

En relación aos concellos, modifícase a lei para que o canon de aproveitamento eólico se poda dedicar ao pagamento de servizos municipais relacionados co medio ambiente. Trátase, polo tanto, de dar maior capacidade de pago aos concellos de xeito que o que reciben do canon eólico o poidan dedicar ao pagamento, por exemplo, das facturas do lixo ou doutros servizos de medio ambiente aos que teñen que facer fronte desde a administración local.

Orzamentos 2012

Por outra banda, os que falan de  que os orzamentos da Xunta dan a espalda aos galegos son os que deixaron as arcas desta comunidade comprometidas durante anos por froito da súa responsabilidade orzamentaria. A línea de traballo firme e eficiente do Goberno galego en materia orzamentaria coloca a Galicia nunha situación de vantaxe con respecto a outras comunidades que están empezando agora a reconducir a súa situación. Levamos máis de dous anos e medio de vantaxe.