INUNDACIÓN VALDOVIÑO

A solución a este problema pasa pola colaboración co Concello de Valdoviño xunto coa dos veciños e a coordinación e colaboración entre as diferentes administracións.

As preocupacións dos veciños son consecuencia da falta na previsión do urbanismo no Concello de Valdoviño, a deficiencia do deseño das infraestruturas de acceso e, sobre todo, a falta de consideración da existencia de unha cota de inundación da lagoa.

As solucións estables van pasar, polo tanto, por resolver as cuestións relativas á accesibilidade ás vivendas polas fachadas traseiras das mesmas. De igual xeito deberáse avaliar a posibilidade de corrección da cota do paseo marítimo por riba da de inundación.

Os técnicos do departamento de Conservación da Natureza da Consellería de Medio Rural foron invitados polo Concello a participar este martes nunha reunión técnica, xunto con técnicos doutras administracións con competencias sectoriais nas Costas e nas Augas, cara a proporcionar por unha parte solucións inmediatas e por outra estables fronte aos efectos das inundacións dos terreos do contorno da lagoa.