RUBALCABA SOBRE AS MANIFESTACIÓNS

Rubalcaba fala de que mentres o PSOE vai do lado dos sindicatos o PP vai do lado dos obispos amosando tanto unha falta de respecto cara os afiliados do seu partido como cara a toda sociedade española.

Mesturar ideoloxía política, dereitos dos traballadores e confesión relixiosa é simplemente querer confundir a sociedade e o que é peor, tratar de dividila.

Non nos gusta a xente que trata de dividir a España entre os bos e os malos, non nos gusta a xente que se cre acreedora dunha superioridade moral que o seu pasado non sostén e non nos gusta a xente que non traballa por España e os españois, senón en contra dela.

Nestes momentos de crise económica, a imaxe que un país traslada ao exterior é moi importante para xerar confianza nos investidores e os nosos socios europeos e polo tanto España non pode comportarse como Grecia, un país necesitado de rescate para evitar a quebra.

Despois de perder nas urnas, a esquerda pretende gañar na rúa apelando a un suposto clamor social contra as reformas do Goberno de Rajoy. Con respecto a isto teño que dicir que o único clamor que existiu en España foi o do 20-N, no que unha maioría abafadora de españois confiou no proxecto do PP para endereitar o rumbo dun país deixado á deriva polo PSOE e os seus socios da esquerda.

Xa sabemos que hai partidos que quixeran que España fose Grecia, pero os populares advertímoslles que non todo vale.