FUTURO NGB

As novas necesidades de capital de NGB ascenden a 4.300 millóns de euros. Dabamos por feito que o novo decreto do Goberno esixiría un novo esforzo á entidade galega, como ocorreu tamén co resto da banca. Lonxe de alarmismos, cremos que esta nova esixencia garantirá a viabilidade de NGB, a súa solvencia no futuro, e a blindará ante calquera hipotético empeoramento da situación económica.

De cara ao seu proceso de recapitalización, o PPdeG seguirá defendendo para NGB a mesma solución que o Estado dea a Bankia. Cremos que as entidades nacionalizadas deben gozar das mesmas oportunidades. Se en Bankia se deu a opción de cambiar o préstamo FROB por accións e aforrarlle o pago dos intereses, non entendemos por qué esta fórmula non pode ser válida.

No entanto, agora o máis xusto é esperar ata o mes de setembro, data dada polo Banco de España aos directivos de NGB para que capten o capital necesario. Hai uns prazos e deben irse cumprindo.