VELOCIDADE ESTRADAS

A decisión da DXT de rebaixar de 100 a 90 km/h a velocidade máxima en vías secundarias pretende rebaixar a sinistralidade nestas estradas. Segundo as estatísticas, o 80% dos accidentes prodúcese nestes viarios. Trátase dunha medida preventiva, que busca garantir a seguridade dos condutores, e incidir na concienciación de que unha condución responsable é unha condución que respecta os límites de velocidade.

O posible aumento da velocidade en autovías non é ningunha rareza, xa que en Alemaña hai vías de alta capacidade con límites de até 140 km/h. Na actualidade, as prestacións destas estradas poden permitir estes lixeiros incrementos, xa que se trata de vías moi seguras, que se suman aos automóbiles de última xeración que transitan por elas. En todo caso, esta é unha medida que aínda se está estudando.

Zapatero baixou a velocidade das autovías alegando un aforro en combustible que nunca se produciu, pero que en verdade buscaba recadar máis en multas aos españois. O PP estuda rebaixar a velocidade nas estradas secundarias para salvar vidas. Esta é a diferenza.