Cremos que non se poden xeneralizar condutas illadas afastadas da
austeridade e a responsabilidade en tempos de crises. A inmensa maioría dos
alcaldes de Galicia de todas as cores políticas souberon estar á altura das
dificultades que atravesan os seus veciños e rebaixar as súas retribucións.
No entanto, tampouco se pode pedir a un alcalde que abandone un posto
de traballo fixo para dedicarse á actividade pública e perda poder adquisitivo.
Coa crise moitos rexedores pasaron de traballar a tempo parcial a facelo a
tempo completo.
Hai outros casos que poden ser máis inxustificables. Por iso, a Fegamp
aprobou en novembro na súa Asemblea a creación dunha táboa salarial para autorregular
as retribucións dos alcaldes de Galicia, unha proposta que levará mañá á FEMP
para estender a toda España. Os políticos deben tomar decisións que os cidadáns
entendan, e soldos excesivos en tempos de crises son inexplicables.
No hay comentarios:
Publicar un comentario