COMUNICADO DE ETA

É unha boa noticia pero non é unha noticia perfecta. Despois de coñecer o último comunicado da banda terrorista ETA, as primeiras palabras teñen que ser en recoñecemento e en recordo das vítimas do terrorismo e, por suposto, as súas familias.

A ETA a derrota a fortaleza do Estado de Dereito e a fe na democracia de todos os españois

É unha boa noticia coñecer a decisión de ETA de renunciar definitivamente á violencia. Supón un paso moi importante, pero a tranquilidade só será completa con disolución irreversible de ETA e o seu completo desmantelamento.

O anuncio da desaparición de ETA é o froito do esforzo e da determinación do conxunto da sociedade española.

Non temos nada que agradecerlle a ETA. Levan matando de xeito indiscriminado dende fai 50 anos.

Se temos que agradecerlle o seu traballo ás forzas e corpos de seguridade do Estado, aos xuíces e fiscais e a todos os que creron na lei e no Estado de Dereito.

Onte abriuse unha porta á esperanza. Esperemos que esa porta á esperanza se concrete e se cristalice en feitos: a disolución definitiva de ETA e a das armas e das bombas que aínda teñen.

Se todos estamos unidos estamos convencidos de que o Estado de Dereito gaña sempre, antes ou despois, pero sempre.