INDEMNIZACIÓNS NCG

Consideramos que os ex directivos de Novacaixagalicia (NCG) deben devolver as cuantiosas indemnizacións de máis de vinte millóns de euros percibidas e confiamos en que a situación vaia polo camiño acertado.

As cantidades que recibiron os ex directivos deben ser devoltas ou, polo menos, reconducidas ao que a propia normativa europea indica respecto ás indemnizacións ou retribucións que reciben os directivos de entidades financeiras.

Hai un clamor social que que compartimos, que é o de que nestes momentos e nestas circunstancias non se poden aceptar indemnizacións, sexa cal sexa o concepto, por este volume.

Expresamos a nosa esperanza de que as actuais discusións van por un camiño que dará satisfacción a ese clamor social, polo menos na súa maior parte.