Hai xa máis dun ano que o Goberno galego abriu o debate sobre
cooperación municipal e mancomunar servizos e traballa en impulsar todo tipo de
iniciativas de cooperación e colaboración que se produzan entre concellos.
Consideramos que o debate debe abrirse a nivel estatal dentro da Lei de
Réxime Local, porque é necesario configurar un Estado forte, solidario e
ecuánime. É necesario, sobre todo, un proceso de diálogo e que se promova un
acordo nacional que implique ao Goberno central, ás autonomías e á
Administración local para asumir a realidade, gobernar con sentido común e
recuperar a unidade.
Destacamos tamén o papel fundamental das deputacións neste tema e
lembramos que hai un decreto do Goberno galego, que entrará en vigor en 2012,
para regular a concesión de subvencións ás administracións locais, que ademais
de primar no reparto aos municipios que mancomunen servizos, excluirá aos que
non rindan contas de forma anual.
No hay comentarios:
Publicar un comentario