O presidente Feijóo e o PPdeG defendemos que a asistencia sanitaria
debe seguir sendo universal, gratuíta e de calidade para todos os cidadáns, e
esperemos que poida seguir sendo así. Pero non por iso se pode perder de vista
que o sistema, tal e como o coñecemos, atópase nunha situación insustentable,
con máis de 15.000 millóns de euros de débedas cos provedores.
Por iso, desde Galicia pensamos que se poden introducir novos criterios
na prestación farmacéutica ademais do de idade, que nestes momentos é o único
en vigor. Entendemos que as rendas máis altas poden facer o pequeno esforzo de
pagar máis polos medicamentos. Non ten sentido que un xubilado cunha pensión de
2.000 euros teña fármacos gratis e os 5,3 millóns de parados teñan que pagar
por eles.
Galicia xa demostrou que se poden tomar medidas para reducir o gasto
farmacéutico, como o catálogo priorizado, sen que iso afecte á prestación
sanitaria nin á efectividade dos medicamentos. E todo iso, xerando un aforro de
cen millóns de euros ao ano.
O único que temos claro é que, como noutros tantos ámbitos da nosa
economía, a situación non pode perpetuarse tal e como está.
A pesar da demagoxia do PSOE, do seu cinismo e da súa mala memoria, o
PP está determinado a garantir a solvencia e sustentabilidade dos servizos
públicos que os socialistas deixaron en quebra.
No hay comentarios:
Publicar un comentario