O PP conmemorou un ano máis o Día das Letras, e sumouse aos actos da
Xunta en recordo do homenaxeado este ano, o escritor Valentín Paz-Andrade. Os
populares levamos marcado o noso carácter galeguista no ADN, tanto na nosa
ideoloxía como nos nosos corazóns.
Respectamos as manifestacións daqueles que critican a política
lingüística da Xunta, pero o certo é que fronte ás polémicas constantes que se
sucedían durante o bipartito, agora gózase dun período de convivencia das dúas
linguas oficiais na que non hai controversias nin tensións. É máis, o que hai é
unha aposta polo trilingüismo. Antes había conflito, agora hai convivencia
pacífica.
Os galegos seguen podendo elixir en liberdade a lingua en que
expresarse. A lingua propia de Galicia goza de máis espazos que nunca na súa
historia, dignificada desde a clase política, estendida grazas ao ensino e os
medios de comunicación públicos, e globalizada grazas a Internet.
Lamentamos que a pesar desta túzara realidade, haxa responsables
políticos que opten pola demagoxia, pola pancarta fácil, polo spray e polo
oportunismo. Que o BNG se radicalice neste sentido xa non nos estraña. Que o
PSOE secunde estas mobilizacións é traizoar a unha maioría social que non
entende de disputas lingüísticas e quere convivir en paz.
No hay comentarios:
Publicar un comentario