NAVAL

Compartimos a preocupación de toda a comarca de Ferrolterra pola situación do naval. O PP insiste en que se trata dun sector estratéxico para Galicia, que paga agora as consecuencias da completa inacción do PSOE durante o seis anos no Goberno, nos que foi incapaz de conseguir un só contrato para os estaleiros ferroláns, nin tampouco de levantar o veto imposto pola UE.

Pola contra, tanto a Xunta como o Concello de Ferrol están a levar a cabo un proceso de diálogo co Ministerio de Industria, liderado polo presidente Feijóo, para desbloquear as reticencias que puidese haber e dar luz verde aos distintos proxectos que se expoñen para os estaleiros. Por iso, valoramos positivamente aínda que con cautela a decisión do presidente da SEPI de viaxar este próximo mércores a Ferrol para entrevistarse cos alcaldes da comarca e os sindicatos.

Non imos abandonar ao sector naval, nin ao radicado en Ferrolterra, nin ao localizado na ría de Vigo. Son dous motores económicos de Galicia. A Xunta está a actuar no plano político en todas as frontes para devolverlles a actividade no menor tempo posible.