REFORMA SANITARIA E EDUCATIVA

Os españois votaron ao PP para que corrixise o rumbo do país e cambiase a inercia errática da etapa do PSOE. As reformas son necesarias para soster os servizos públicos. No caso sanitario, pídese un esforzo a quen máis ten co copago farmacéutico para beneficiar a quen non teñen recursos. Garántese a gratuidade e a universalidade da atención sanitaria. E todo, para pagar os 15.000 millóns de débeda que tiña o SNS con provedores, e que o PSOE decidiu non pagar para malgastalo en Plans E.

A educación universitaria pública en España é a máis barata de Europa, e unha do de máis prestixio e calidade. Pero está en risco ante a crítica situación da economía española. Esta reforma pretende garantir este servizo público. O que se pretende é primar a excelencia universitaria e poñer fin ás desercións a metade de carreira, que son un fracaso persoal para o alumno e unha ruína económica para o Estado.

Todas as reformas que está a emprender o Goberno de Rajoy teñen como único obxectivo soster o Estado do Benestar. Non son reformas agradables, pero si necesarias. A situación económica de España é infinitamente peor que a que o PP cría antes de chegar ao Goberno, froito de sete anos nos que non se planificou un euro, e que levaron ao país ao bordo do precipicio.