REFORMA EDUCATIVA

A reforma educativa do Ministerio dá un paso máis na consolidación da FP como unha alternativa de formación para os mozos estreitamente relacionada co mundo laboral, a gran preocupación de todos os estudantes neste momento. O novo decreto de formación dual permitirá que os alumnos obteñan contratos de un a tres anos en empresas.

A intención do Ministerio é equiparar ao 50% os alumnos que se matriculan en bacharelato e FP, que actualmente está repartido nun 70-30, respectivamente. O obxectivo é que os estudantes non saian só preparados para o mercado laboral, senón que o fagan mesmo cun posto de traballo. España non pode ser o país da UE cun maior paro xuvenil. Este é o obxectivo deste decreto de formación.

Por outra banda, os populares apoiamos a reforma da materia de ‘Educación para a Cidadanía’, que o PSOE creara de forma unilateral e xerara rexeitamento en amplos sectores da sociedade española. O contido dunha materia non pode enfrontar aos españois, e esa é a guía que adopta o Ministerio.

Por último, Galicia solicitou unha aplicación flexible das novas condicións para a concesión de bolsas. Estamos de acordo con reforzar o valor do esforzo e o traballo, e premiar o mérito e a capacidade. Pero o actual contexto de dura crise debe expoñernos algunha reflexión.