A petición conxunta de socialistas e nacionalistas realizada onte no
Parlamento non nos sorprende. É a constatación de que o bipartito segue vivo a
nivel autonómico, despois de que vísemos que estas coalicións de perdedores de
eleccións seguían producíndose en concellos e deputacións. Quen tentaron vender
que estes dous partidos teñen un programa independente fracasaron: é evidente
que teñen unha estratexia conxunta de axitación social en busca de votos, sen
importarlles as consecuencias que iso ten para Galicia.
De paso, desmóntase unha mentira máis de Pachi Vázquez, ao que tanto se
lle enchía a boca de querer configurar un PSOE maioritario e con intención de
gobernar en solitario. Xa vemos que as présas e as ansias de poder fanlle
volver aos brazos do nacionalismo máis radical e extremo, que é o que hoxe
representa o BNG tras a onda de desercións derivadas do triunfo da UPG na súa
última Asemblea.
Fronte a eles, o PP seguirá mantendo un proxecto para Galicia baseado
no rigor, a planificación económica, a austeridade e a eficiencia dos recursos
públicos. E de total transparencia co cidadán: a Xunta explicará o contido do seu
plan de estabilidade orzamentaria tras o Consello de Política Fiscal e
Financeira, que será a mediados de mes. E entón verase que mentres outras
comunidades tiveron que facerlle buracos novos ao cinto, Galicia atópase nunha
situación máis vantaxosa e poderá continuar coa súa política actual.
No hay comentarios:
Publicar un comentario