MEDICAMENTOS

Xa está en vigor o novo sistema solidario de pago de fármacos que permitirá que as 164.000 familias galegas que menos teñen non paguen nada polos seus medicamentos. Así, 113.000 familias desempregadas que agotaron as súas prestacións e aboaban o 40% do prezo dos seus fármacos agora veranse beneficiadas ao non ter que pagar nada.

Do mesmo xeito, seguirán sen pagar nada unhas 46.000 familias perceptoras de pensións non contributivas e outras 5.000 que reciben axudas por risco de exclusión.

Esta medida impulsada polo Goberno de Rajoy ten un triple obxectivo que é remediar a débeda que deixou en herdanza o anterior Goberno socialista, facilitar que os que menos teñen menos teñan que pagar e favorecer un consumo racional de medicamentos.

No caso de Galicia hai un cuarto efecto positivo: o diñeiro que se recadará con esta medida facilitará a posta en marcha de novas infraestruturas sanitarias, como os 15 novos centros de saúde ou a ampliación do hospital do Salnés.

Ademais, no caso dos pensionistas, mentres que noutras comunidades se verán obrigados a adiantar ás súas administracións autonómicas o diñeiro dos fármacos que necesitan, en Galicia a xestión do Goberno de Feijóo evita que os xubilados galegos teñan que adiantar nin un só euro polos seus fármacos unha vez que paguen a cantidade á que están obrigados segundo as súas percepcións económicas.

Por outra banda, pedimos calma e comprensión ante os posibles erros na aplicación do novo copago farmacéutico, unicamente achacable á posta en marcha do sistema informático que o xestiona. É lóxico que nos primeiros días se produzan algunhas anomalías, pero serán corrixidas o máis axiña posible.