A situación económica segue sendo mala, porque a pesar dos acordos
alcanzados no seo da UE, o BCE non está a dar resposta ás necesidades dos
países a través da compra de débeda soberana. España segue xerando dúbidas
sobre o cumprimento dos obxectivos de déficit.
Por esa razón, o Goberno pide ás comunidades que continúen coa súa
senda de reformas estruturais, principalmente en empresas públicas e
administración paralela. Galicia, unha vez máis, fixo os seus deberes, reducindo
de 150 a 73 estes organismos durante esta lexislatura. Galicia foi pioneira en
reducir estes entes.
Galicia está mellor preparada que o resto de autonomías ante calquera
medida de axuste que expoña o Goberno. A Xunta xa equilibrou o seu orzamento e
non terá necesidade de máis recortes para cumprir co seu obxectivo de déficit.
Os galegos deben saber que a boa xestión do presidente Feijóo e os esforzos
colectivos nestes tres anos teñen recompensa.
Por outra banda, non contribuiremos a unha espiral de desinformación
opinando sobre cifras de posibles despedimentos nas administracións públicas.
Non é serio. Desde o PP, pedimos que se deixe traballar ao Goberno de España,
cuxas medidas están a ser sempre guiadas polo interese xeral.
No hay comentarios:
Publicar un comentario